O plancto que habita os aproximadamente 100 m superficiais do océano é responsable da metade da fotosíntese no planeta Terra.
A produción neta da comunidade (medida a escalas espaciais e temporais significativas) resume o estado metabólico dun ecosistema e determina o seu potencial para manter as redes tróficas, imprescindibles para a sostenibilidade das pesquerías, e para contribuír aos fluxos de CO2, influindo finalmente no clima global.
As remotas e vastas rexións centrais dos grandes océanos, caracterizadas pola súa pouca producción (oligotróficas), ocupan no seu conxunto aproximadamente a metade da superficie da Terra, constituíndo o maior bioma do planeta. Dada a súa extensión e importancia para a produtividade global e o secuestro de CO2, o estado metabólico destas rexións é un asunto de enorme significación en oceanografía biolóxica.
A colaboración durante máis dunha década entre un grupo de investigadores da Universidade deVigo, liderado por Pablo Serret, e expertos do Plymouth Marine Laboratory e a University of East Anglia (UK), deu lugar a unha base de datos única de medidas de fotosíntese, respiración e PNC da capa superficial do océano. Estos datos foron obtidos nas campañas oceanográficas “Atlantic Meridional Transect” (http://www.amt-uk.org), que cruzaron o Atlántico dende o Reino Unido a Patagonia (50ºN-50ºS) anualmente dende 2000 a 2012, a bordo dos buques británicos RRS James Clark Ross, Discovery e James Cook.
En paralelo a este traballo de investigación a grande escala, e tamén co fin de contribuír ao estudo do balance metabólico do océano, atópase o proxexto SCALAR (Scaling, monitoring and predicting mariñar plankton metabolism in a changing ocean). Este proxecto, financiado polo MINECO e dirixido por Pablo Serret, en colaboración no Grupo de Oceanografía Física da Universidade de Vigo (GOFUVI), está a traballar na determinación dos balances metabólicos na Ría. Empregando as instalacións dispoñibles na ECIMAT, realizouse nos últimos anos unha serie temporal de medidas na Ría de Vigo, empregando diferentes aproximacións metodolóxicas
Más información https://oceanoecimat.wordpress.com/2015/05/12/interaccion-entre-el-metabolismo-planctonico-y-el-clima-global/