Construción de xemelgos dixitais mediante computación de altas prestacións que integre datos físicos, ecolóxicos e socioeconómicos a múltiples escalas, capaces de simular escenarios de xestión e conservación e apoiar a toma de decisións sobre recursos mariños e planificación costeira.
Despregamento de redes de sensores e sistemas autónomos que integran información biolóxica e físico-química para mellorar a monitorización do océano, automatizar a detección de cambios ecolóxicos e habilitar sistemas de alerta temperá con alta resolución espacial e temporal.
Aplicación de intelixencia artificial e analítica de grandes datos ambientais para mellorar a predición ecolóxica, optimizar a xestión de recursos e riscos, e desenvolver servizos e plataformas dixitais que proporcionen información útil a actores públicos e privados da economía azul.
Desenvolvemento de infraestruturas e repositorios de datos mariños abertos, estandarizados e interoperables, con protocolos de xestión aliñados cos principios FAIR, integrados en redes europeas e acompañados de capacitación en ciencia aberta para facilitar a colaboración internacional.
