O Centro de Investigación Mariña da Universidade de Vigo abre as súas portas cada ano baixo as xornadas “Divulgando Ciencia Singular“, co fin de dar a coñecer a investigación mariña de vangarda que se leva a cabo na Universidade de Vigo e a súa importancia de cara á sociedade, así como as instalacións da Estación Ciencias Marinas de Toralla (ECIMAT) como principal infraestrutura de investigación do CIM. Durante as actividades realizadas, procúrase así mesmo divulgar aspectos científicos do medio mariño relacionados coa ría de Vigo.

A xornada de portas abertas deste ano terá lugar os días 29 e 30 de novembro e constará de tres actividades diferentes:

  • Embárcate co CIM”: Actividade de 2 h e 30 minutos de duración que comprende un traxecto en barco dende A Laxe a ECIMAT, unha visita guiada á estación e o regreso a A Laxe. Durante a travesía realizaránse unha serie de actividades para coñecer a biodiversidade de ecosistemas e de organismos mariños da ría. Durante a visita guiada á ECIMAT, realizaráse un percorrido polas instalacións, explicando aos participantes o traballo de apoio á investigación realizado polo persoal da estación e amosando os proxectos de investigación en marcha.
  • Coñece o CIM en Toralla”: Actividade de 1 h de duración que comprende unha visita guiada á ECIMAT.
  • Coñece o CIM no Campus”: Actividade de 1 h de duración que comprende unha visita guiada ás instalacións do CIM no Campus Universitario de Vigo.

As actividades serán guiadas polo persoal técnico e científico do CIM-UVigo. Para participar nas actividades é obrigatorio inscribirse previamente.

Máis información e inscripcións en cienciasingular.gal