Data: Do 16 ao 21 de xuño de 2026
Lugar: Museo do Mar de Galicia (Vigo)
O Museo do Mar acolle a exposición ImpactARTE, unha iniciativa liderada pola investigadora do CIM Ángela Fontán Bouzas e financiada pola FECYT que explora como a arte pode contribuír á comprensión dos efectos do cambio climático nas costas. A mostra combina arte, historia e ciencia para reconstruír a memoria climática dos ecosistemas costeiros a partir de representacións artísticas do litoral.
Como actividade complementaria, o Dr. Daniel Cajade Pascual, profesor da Universidade Autónoma de Madrid e membro do proxecto, impartirá tres charlas divulgativas no Salón de Actos do Museo do Mar: o martes 16 de xuño ás 11:30 e ás 16:30 horas, e o mércores 17 de xuño ás 11:30 horas. Nelas explicará como as obras de arte poden actuar como rexistros históricos capaces de achegar información sobre a evolución das paisaxes costeiras, os fenómenos climáticos extremos e a relación das comunidades co mar ao longo do tempo, ofrecendo unha perspectiva innovadora sobre o estudo do cambio climático.
Máis información: www.impactarte.art.
