O Centro de Investigación Mariña da Universidade de Vigo e o resto de centros singulares de Galicia son un referente en innovación e excelencia para a Fundación Conocimiento y Desarrollo (CYD). Así o recolle no seu último anuario, publicado recentemente.
Este modelo que impulsa a Xunta dende hai unha década e ao que pertence o CIM-UVigo é un exemplo de boas prácticas para a fundación, a cal é promotora de dar visibilidade á contribución que as universidades españolas exercen sobre o desenvolvemento económico e social do país.
A publicación, das máis prestixiosas de España no campo académico, analiza o programa de centros de investigación de excelencia do Sistema Universitario Galego (SUG) implementado pola Xunta como “un caso singular” que exerce de elemento tractor de cambio e mellora das universidades.
O CIM-UVIGO é o elemento central da estratexia mariña da Universidade, e constitúe un polo interdisciplinar de referencia aos niveis local, estatal e internacional no ámbito da xeración e transferencia do coñecemento do mar. O centro está integrado por 15 grupos de investigación e 3 investigadores individuais que aglutinan en total a máis de 200
As actividades do CIM contan co apoio da Xunta de Galicia e a Unión Europea, a través do seu cofinanciamento ao abeiro do Programa Operativo FEDER Galicia 2014-2020. persoas.
Fonte: El Correo Gallego
Máis información: Informe Fundación CYD