A rede europea EuroMarine abre unha convocatoria para a organización de grupos de traballo internacionais e xornadas de traballo sobre investigación mariña

Abril 4, 2017

A Rede Europea de Investigación Mariña (EuroMarine), da que forma parte a Universidade de Vigo (a través do Centro de Investigación Singular en Ciencias do Mar – ECIMAT), organiza unha convocatoria de propostas de actividades para obradoiros de prospectiva e grupos de traballo que aborden servizos ou cuestións estratéxicas relacionadas co ámbito mariño.

Visión xeral

As categorías de actividades elixibles que serán financiadas en 2017 limítanse a:
- Obradoiros de prospectiva (“horizon scanning”, FWS) – financiamento máximo: 7.500 €
- Grupos de traballo de EuroMarine (WG) que aborden servizos ou cuestións estratéxicas – financiamento máximo: 5.000 €
Para ser elixibles, as propostas científicas deben abordar as prioridades de EuroMarine, tal e como se definen no texto resumo de 2015 sobre a estratexia científica de EuroMarine.
As propostas deben implicar polo menos tres organizacións membros de pleno dereito (de pago) de EuroMarine en 2017, de polo menos dous países diferentes.
As actividades deberían realizarse preferentemente en 2018, e calquera excepción deberá ser xustificada na proposta.

Como enviar unha proposta

Os documentos e ligazóns relevantes para a presente convocatoria están dispoñibles no sitio web de EuroMarine.
As propostas deben facer referencia ao texto completo da convocatoria, aos termos e condicións de financiamento para obter detalles sobre os criterios de elixibilidade, os custos elixibles e as restricións asociadas ao financiamento, así como aos demais documentos de apoio ou ligazóns para consultar as prioridades de EuroMarine ou atopar posibles socios coorganizadores de EuroMarine.
Para enviar unha proposta, os solicitantes deben cubrir e enviar o formulario de solicitude (empregando o modelo en Word ou en Open Office) seguindo as instrucións indicadas no mesmo.

Proceso de selección

Todos os solicitantes recibirán unha notificación e o resultado publicarase na páxina web de EuroMarine.
Cada unha das actividades financiadas por EuroMarine será descrita nunha páxina web específica dentro do sitio de EuroMarine e anunciarase oportunamente na lista de correo de EuroMarine, de modo que os membros de EuroMarine poidan solicitar participar.

Cronoloxía