Estefanía Paredes realizou o seu traballo a medias entre os laboratorios da Facultade de Ciencias do Mar e os da Estación de Ciencias Mariñas de Toralla (ECIMAT) ata conseguir por primeira vez a conxelación de embrións temperás de ourizo de mar con altas expectativas de supervivencia. O laboratorio de Ecoloxía Costeira da Universidade leva dende 2008 traballando no desenvolvemento dunha metodoloxía para conxelar embrións e larvas de catro especies de invertebrados mariños: ourizo de mar, ostras e dous tipos de mexillóns. Ao abeiro desta liña de investigación realizou Estefanía Paredes a súa de doutoramento, que se centro especificamente na criopreservación de estados temperás de desenvolvemento de invertebrados mariños, dirixida por Juan Bellas e baixo a titoría de Ricardo Beiras.
Para máis información, preme aquí
